Zug கன்டோனின் Menzingen அருகிலுள்ள Edlibach பகுதியில், மணிக்கு 50 கிலோமீற்றர் வேக வரம்புள்ள வீதியில் 105 கிலோமீற்றர் வேகத்தில் காரைச் செலுத்திய 23 வயது இளைஞர் அடையாளம் காணப்பட்டுள்ளார்.
நவம்பர் 2ஆம் திகதி இரவு சுமார் 10.15 மணிக்கு, Cholrainstrasse வீதியில் Schmidtli நோக்கிப் பயணித்த அவரது காரின் வேகத்தை அளவீட்டுக் கருவி பதிவு செய்தது. பாதுகாப்புக் கழிவுக்குப் பின்னரும், அனுமதிக்கப்பட்ட வேகத்தைவிட 55 கிலோமீற்றர் அதிகமாக அவர் பயணித்ததாக Zug பொலிஸார் தெரிவித்துள்ளனர்.
Zug கன்டோனில் வசிக்கும் சுவிஸ் குடிமகனான அவர், விசாரணையின்போது குற்றத்தை ஒப்புக்கொண்டுள்ளார். அவரது சாரதி அனுமதிப்பத்திரம் பறிமுதல் செய்யப்பட்டு, வீதிப் போக்குவரத்து அலுவலகத்தின் நடவடிக்கைக்காக ஒப்படைக்கப்பட்டுள்ளது.
இந்தச் சம்பவத்தை மிகக் கடுமையான அதிவேக வாகன ஓட்டக் குற்றமாக — Raserdelikt — வகைப்படுத்தியுள்ள பொலிஸார், அரச சட்டத்தரணி அலுவலகம் குற்றவியல் நடவடிக்கையை ஆரம்பித்துள்ளதாகத் தெரிவித்துள்ளனர்.