சுவிட்சர்லாந்துக்கும் மாவோவின் சீனாவுக்கும் இடையிலான சிறப்பு உறவு
சுவிட்சர்லாந்து: சீன மக்கள் குடியரசின் முன்னாள் தலைவர் மாவோ சேதுங் மறைந்து 50 ஆண்டுகள் நிறைவடையும் நிலையில், மாவோ காலத்து சீனாவுக்கும் சுவிட்சர்லாந்துக்கும் இடையிலான சிறப்பு உறவு மீண்டும் கவனம் பெற்றுள்ளது.
மாவோ சேதுங் 1976 செப்டம்பர் 9ஆம் திகதி உயிரிழந்தார். அவர் மறைவதற்கு முன்பே சீனாவுடன் இராஜதந்திர உறவை ஏற்படுத்திய முதல் மேற்கத்திய நாடுகளில் சுவிட்சர்லாந்தும் ஒன்றாக இருந்தது.
1950 ஜனவரி 17ஆம் திகதி, அப்போதைய சுவிஸ் கூட்டாட்சித் தலைவர் Max Petitpierre, மாவோ சேதுங்கிற்கு தந்தி ஒன்றை அனுப்பி, புதிய சீன மக்கள் குடியரசுடன் இணைந்து செயல்பட சுவிட்சர்லாந்து தயாராக இருப்பதாக தெரிவித்தார். இதன் மூலம் சீன மக்கள் குடியரசை ஆரம்பத்திலேயே அங்கீகரித்த மேற்கத்திய நாடுகளில் சுவிட்சர்லாந்தும் இடம்பெற்றது.
1960 மற்றும் 1970களில் மாவோவின் அரசியல் சிந்தனைகள் சுவிட்சர்லாந்தின் சில இளைஞர்களிடமும் ஆதரவைப் பெற்றன. குறிப்பாக 1973ஆம் ஆண்டு சூரிச்சில் நடைபெற்ற மே தினப் பேரணியில், சில இளைஞர்கள் மாவோவின் உருவப்படங்களை ஏந்திச் சென்றனர். அக்காலத்தில் “Freundschaft mit China” – “சீனாவுடனான நட்பு” குழுக்களும் செல்வாக்குப் பெற்றிருந்தன.
இருப்பினும், மாவோ தனது ஆட்சிக்காலத்தில் ஒருமுறைகூட சுவிட்சர்லாந்துக்கு வரவில்லை. 1961ஆம் ஆண்டு சீன துணைப் பிரதமர் Chen Yi ஜெனீவா மற்றும் பேர்னுக்கு விஜயம் செய்தார். பின்னர் 1973ஆம் ஆண்டு Max Petitpierre பீஜிங்கிற்குச் சென்று சீனப் பிரதமர் Zhou Enlai-யை சந்தித்தார்.
அரசியல், சமூக மற்றும் பொருளாதார அமைப்புகளில் பெரும் வேறுபாடுகள் இருந்தபோதிலும், சுவிட்சர்லாந்துக்கும் சீனாவுக்கும் இடையே தொடங்கிய இந்த ஆரம்பகால இராஜதந்திர உறவு 76 ஆண்டுகளுக்குப் பின்னரும் தொடர்கிறது.
SUPEEDSAM Media Network
சரியான தகவலை தமிழில் – சமூகத்திற்காக.