ஆகஸ்ட் 19 முதல் Lufthansa Group தனது சில விமானங்களில் Starlink செயற்கைக்கோள் இணைய சேவையை அறிமுகப்படுத்துகிறது. இதன் மூலம் விமானப் பயணத்தின்போதும் அதிவேக இணையத்தைப் பயன்படுத்த முடியும்.
SWISS, Lufthansa, Austrian Airlines மற்றும் Brussels Airlines உள்ளிட்ட Lufthansa Group நிறுவனங்களின் பயணிகள் இந்த புதிய இணைய வசதியைப் பயன்படுத்த முடியும்.
முதற்கட்டமாக A320neo விமானங்களில் Starlink WiFi அறிமுகப்படுத்தப்படுகிறது. பின்னர் படிப்படியாக விரிவுபடுத்தப்பட்டு, 2029க்குள் அனைத்து விமான வகைகளிலும் இணைய வசதியை வழங்க Lufthansa Group திட்டமிட்டுள்ளது.
Starlink அதிவேக இணைப்பின் மூலம் பயணிகள் வீடியோக்களைப் பார்ப்பது, இணையத்தில் வேலை செய்வது, Cloud சேவைகளைப் பயன்படுத்துவது போன்றவற்றை விமானப் பயணத்தின்போதும் மேற்கொள்ள முடியும்.
⚠️ தனிப்பட்ட தகவல்கள் குறித்து கவனம்
Starlink சேவையைப் பயன்படுத்தும்போது அதன் தனியுரிமைக் கொள்கையை (Privacy Policy) பயணிகள் கவனமாகப் பார்ப்பது முக்கியம்.
2026 ஜனவரியில் புதுப்பிக்கப்பட்ட Starlink தனியுரிமைக் கொள்கை தொடர்பாக, பயனர்களின் சில தரவுகள் Machine Learning / AI மாதிரிகளைப் பயிற்றுவிக்கப் பயன்படுத்தப்படலாம் என்ற தனியுரிமைக் கவலைகள் எழுந்துள்ளன.
Reuters வெளியிட்ட தகவலின்படி, Starlink சேகரிக்கக்கூடிய தகவல்களில் இருப்பிடம், IP முகவரி மற்றும் சில தொடர்பு/பயன்பாட்டுத் தரவுகளும் அடங்கலாம்.
விமானத்தில் அதிவேக இணையம் பயணிகளுக்கு புதிய வசதியை வழங்கினாலும், சேவையைப் பயன்படுத்துவதற்கு முன்பு அதன் தனியுரிமை விதிமுறைகளை அறிந்துகொள்வது நல்லது.