சுவிட்சர்லாந்தில் கடந்த 27 ஆண்டுகளில் காணக்கூடிய மிக வலுவான சூரிய கிரகணம் நாளை, ஆகஸ்ட் 12 புதன்கிழமை மாலை நிகழவுள்ளது. சூரிச் பகுதியில் சூரியன் சுமார் 91% வரை மறைக்கப்படும் என எதிர்பார்க்கப்படுகிறது.
சூரிச் நேரப்படி, மாலை 7.24 மணிக்கு கிரகணம் ஆரம்பமாகி, 8.18 மணிக்கு உச்சத்தை அடையும். பின்னர் இரவு 8.42 மணியளவில் சூரிய அஸ்தமனத்துடன் பார்வையிலிருந்து மறையும். இது 1999க்குப் பின்னர் சுவிட்சர்லாந்தில் காணப்படும் மிக வலுவான சூரிய கிரகணமாகும்.
சூரிச்சில் மேற்கு–வடமேற்கு திசையில் தடையற்ற வானப்பரப்பைக் காணக்கூடிய உயரமான இடங்கள் சிறந்தவை. Uetliberg, ETH Polyterrasse, Waid/Hönggerberg, Monte Diggelmann மற்றும் Witikon பழைய தேவாலயப் பகுதி போன்ற இடங்களில் நல்ல பார்வை கிடைக்க வாய்ப்புள்ளது.
⚠️ கண்களுக்கு மிக முக்கிய எச்சரிக்கை: சூரியனை வெறும் கண்களால் அல்லது சாதாரண சன்கிளாஸ் அணிந்து நேரடியாகப் பார்க்கக்கூடாது. சான்றளிக்கப்பட்ட சூரிய கிரகண பாதுகாப்புக் கண்ணாடி மட்டுமே பயன்படுத்த வேண்டும். பாதுகாப்பற்ற முறையில் பார்ப்பது விழித்திரையை நிரந்தரமாகப் பாதிக்கக்கூடும்.
மேலும், கிரகணத்திற்குப் பின்னர் புதன்கிழமை இரவு முதல் வியாழக்கிழமை அதிகாலை வரை Perseids விண்கல் மழையின் உச்சநிலையும் காணப்படவுள்ளது. நல்ல வானிலையில் ஒரே இரவில் இரண்டு அரிய வானியல் நிகழ்வுகளை ரசிக்கும் வாய்ப்பு கிடைக்கலாம்.