பேர்ன் மாநிலத்தின் இட்டிகன் (Ittigen BE) பகுதியில் மரத்தில் ஏற முயன்ற 94 வயது முதியவர் ஒருவர் ஏணியிலிருந்து விழுந்து உயிரிழந்துள்ளார்.
திங்கட்கிழமை காலை 10.30 மணிக்கு சற்றுமுன்னர் இந்த விபத்து குறித்த தகவல் அவசர சேவைகளுக்குக் கிடைத்ததாக பேர்ன் மாநிலப் பொலிஸார் தெரிவித்துள்ளனர்.
விபத்தைத் தொடர்ந்து முதலில் சம்பவ இடத்துக்கு வந்த அவசர உதவியாளர் படுகாயமடைந்த முதியவருக்குச் சிகிச்சை வழங்கினார். எனினும், அவர் சம்பவ இடத்திலேயே உயிரிழந்தார்.
முதற்கட்ட விசாரணைகளின்படி, இதுவரை கண்டறியப்படாத காரணத்தால் அவர் ஏணியிலிருந்து கீழே விழுந்துள்ளார். விபத்து எவ்வாறு நிகழ்ந்தது என்பது தொடர்பாக பேர்ன் மாநிலப் பொலிஸார் விசாரணைகளை ஆரம்பித்துள்ளனர்.
ஆதாரம்: பேர்ன் மாநிலப் பொலிஸ் / Keystone-SDA