எஸ்.எஸ்.அமிர்தகழியான் மட்டக்களப்பு
கிழக்கு மாகாண பாடசாலைகளுக்கிடையிலான டைக்வாண்டோ (Taekwondo) போட்டிகள் மட்டக்களப்பு வெபர் உள்ளரங்க விளையாட்டரங்கில் மூன்று நாட்களாக நடைபெற்று கடந்த (19) திகதி ஞாயிற்றுக்கிழமை நிறைவடைந்தன.
இதில் ஓட்டமாவடி பிரதேசத்தைச் சேர்ந்த மட்/அன்-நூர் தேசியப் பாடசாலை மாணவன் எம்.ஆர்.றியாத் (M.R. Riyathi) 18 வயதுக்குட்பட்டோர் பிரிவில் (Under-18) 63–68 கிலோ எடைப் பிரிவில் சிறப்பாகப் போட்டியிட்டு தங்கப் பதக்கத்தை வென்றுள்ளார்.
மாகாண மட்டத்தில் நடைபெற்ற இப்போட்டியில் மாணவன் பெற்ற இந்த வெற்றி, அன்-நூர் தேசியப் பாடசாலைக்கும் ஓட்டமாவடி பிரதேசத்திற்கும் பெருமை சேர்த்துள்ளது.
மாணவனின் இந்த சாதனைக்கு பாடசாலையின் உடற்கல்வி ஆசிரியர் ஆர். அலோஜிதன், பயிற்றுவிப்பாளர்களான ஜெ.கிருஷ்ணா மற்றும் ஆர்.நிரோசன் ஆகியோரின் அயராத முயற்சியும் காரணமாக அமைந்துள்ளது.