SUPEEDSAM NEWS | சுவிட்சர்லாந்து
சோலத்தூர்ன் மாநிலத்தில் உள்ள Gösgen அணுமின் நிலையத்தில், செவ்வாய்க்கிழமை அதிகாலை 6.40 மணியளவில் தானியங்கி அவசர நிறுத்தம் ஏற்பட்டதால் மின் உற்பத்தி தடைப்பட்டது.
கட்டுப்பாட்டுக் கம்பிகளுக்கான மின்வழங்கல் அமைப்பில் ஏற்பட்ட குறைந்த மின்னழுத்தமே இதற்குக் காரணம் என, நிலையத்தை இயக்கும் Kernkraftwerk Gösgen-Däniken AG (KKG) தெரிவித்துள்ளது.
நிறுத்தத்தின்போது பாதுகாப்பு சார்ந்த அனைத்து அமைப்புகளும் திட்டமிட்டபடி செயல்பட்டதாகவும், கூடுதலான கதிரியக்க வெளியேற்றம் எதுவும் ஏற்படவில்லை என்றும் நிர்வாகம் குறிப்பிட்டுள்ளது.
அணுமின் நிலையம் தற்போது நிறுத்தப்பட்டு, பாதுகாப்பான நிலையில் உள்ளது. சம்பவம் தொடர்பில் சுவிஸ் அணுசக்திப் பாதுகாப்புக் கண்காணிப்பு அமைப்பான ENSI-க்கு அறிவிக்கப்பட்டுள்ளது.
ENSI அனுமதி வழங்கிய பின்னரே நிலையம் மீண்டும் இயக்கப்படும் எனத் தெரிவிக்கப்பட்டுள்ளது.