சிட்னி: ‘ஜுராசிக் பார்க்’ திரைப்படங்களில் டாக்டர் ஆலன் கிராண்ட் கதாபாத்திரத்தின் மூலம் உலகப் புகழ் பெற்ற நடிகர் சாம் நீல் 78 வயதில் காலமானதாக அவரது அதிகாரப்பூர்வ இன்ஸ்டாகிராம் பக்கத்தில் அறிவிக்கப்பட்டுள்ளது.
அயர்லாந்தில் பிறந்த அவர் ஜூலை 13 ஆம் தேதி சிட்னியில் உயிரிழந்தார். அவரது மறைவு திடீரெனவும் எதிர்பாராத விதமாகவும் ஏற்பட்டதாக குடும்பத்தினர் தெரிவித்துள்ளனர். இறுதிக் கணங்களில் அவர் குடும்பத்தினரால் சூழப்பட்டிருந்ததாகவும் கூறப்பட்டுள்ளது.
2022 ஆம் ஆண்டு சாம் நீலுக்கு நான்-ஹாட்ஜ்கின் லிம்போமா (Non-Hodgkin Lymphoma) என்ற புற்றுநோய் கண்டறியப்பட்டது. 2023 இல் அவர் தனது நோயை பொதுமக்களிடம் வெளிப்படையாக பகிர்ந்திருந்தார்.
1970களில் தனது நடிப்பு வாழ்க்கையைத் தொடங்கிய சாம் நீல், 1993 ஆம் ஆண்டு வெளியான ‘Jurassic Park’ திரைப்படத்தின் மூலம் உலகளவில் பிரபலமானார். பின்னர் ‘Jurassic Park III’ மற்றும் ‘Jurassic World: Dominion’ உள்ளிட்ட படங்களிலும் அதே கதாபாத்திரத்தில் நடித்தார்.
மேலும் ‘The Hunt for Red October’ திரைப்படம் மற்றும் ‘Peaky Blinders’ தொலைக்காட்சி தொடரிலும் அவர் நடித்திருந்தார்.
அவரது மறைவு திரைப்பட உலகில் பெரும் சோகத்தை ஏற்படுத்தியுள்ளது.